I tisa pêngah te chuan a tel a,
I hriatnain a hriat reng tur a ni.
Nang leh kei chu “Enga” hmanga phuar,
‘Yes’ aia Eih-in bu a khuarna tur kan ni.
I Mizona chelhtu,
I chelh tur chu, i ṭawng.
A ta i niin i tan a ni a,
I ta a ni a, a tana awm i ni.
Han dâwn la a dinhmun,
Pi pu aṭanga i rochun,
I phal dawn em ni a ral tur,
A ruala ral tur chu nang leh i hnam.
I ṭawng leh hnam a ral chuan,
Inthiam lohnain thiam a chantir lo che ang a,
Inthiam chawpnain lawmman a chhawp ngai lovang che.
I mawh a ni dawn si a.
