Zawlkhawpui zofate chhawrpial run in,
A mawi ngei e aw, ni chhun zan tlaiah.
Vau thla mawitu aw vaupar leh ṭuangṭuah
Te’n kawlah vullai ni an rel mawiin.
Thlanga kawrvai ral tui ang lo lianin,
Ngenmupui nen zawlkhawpui an sai e,
Thangvanah thih sar hrang a zam ta e.
Zoram thangvan kawl chem anga duaiin.
Nunau dawntuai ten chhunrawl an vai e,
Val huai leh mi hrangten hnâm an len a.
An chanvo dik tak khuanu ruatsa kha,
Zalenna kim nei leh turin bei e.
Ralpui ianga dotu vai sawrkarin,
Chin lem nei si lovin a riam vel maw.
A rel sual ngei Zofate tawn an aw,
Thang ang a la tlawm ang dawvankaiin.
Aw Zoram i tuar mangannate khan,
Nang hmangaihtu che aw ṭhang leh tharte.
Thinlungah ram hnam hmangaihna tuh e,
Lawmin muangin an leng ta lungrual ten.
